Lajme
Facebook përballet me hetime
Facebook është nën hetime në Shtetet e Bashkuara për të përcaktuar nëse ky rrjet social "e ka mbytur konkurrencën dhe i ka vënë përdoruesit në rrezik".
Lajmi u bë i ditur nga prokurorja e përgjithshme e shtetit të Nju Jorkut, Letitia James, në emër të një koalicioni të përfaqësuesve nga disa shtete.
“Edhe platforma më e madhe e mediave sociale në botë duhet të ndjekë ligjin dhe të respektojë konsumatorët”, tha James.
Facebook tha se njerëzit kanë “zgjedhje të shumta” kur bëhet fjalë për përdorimin e shërbimeve online.
“Nëse ne ndalojmë inovacionin, njerëzit mund ta lënë lehtë platformën tonë. Kjo nënvizon konkurrencën me të cilën përballemi, jo vetëm në Shtetet e Bashkuara, por në të gjithë globin”, tha Will Castleberry, nënkryetar i Facebook-ut për politikën shtetërore dhe lokale.
Zyrtarët shtetërorë në Kolorado, Florida, Ajoa, Nebraska, Karolinë e Veriut, Ohajo dhe Tenezi janë pjesë e hetimit, ashtu si dhe Rrethi i Kolumbisë.
“Do të përdorim çdo mjet hetimor që kemi në dispozicion për të përcaktuar nëse veprimet e Facebook-ut mund të kenë rrezikuar të dhënat e konsumatorëve, të kenë zvogëluar cilësinë e zgjedhjeve të konsumatorëve ose të kenë rritur çmimin e reklamave”, tha James.
Facebook tashmë po përballet edhe me një hetim rreth konkurrencës nga Komisioni Federal i Tregtisë i SHBA-së.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten, por “u zbehën” nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta