Facebooku bashkon Storiet në një vend

(KEYSTONE/Christian Beutler)

Storiet në Facebook kanë marrë ndryshime nga kjo javë.

Sipas “TechCrunch”, ‘Stories’ në Messenger dhe në Facebook do të bashkohen në një vend dhe nuk do të funksionojnë më si të ndara.

Përpos kësaj, do të hiqet edhe veçoria e mesazheve “Direct” dhe çdo diskutim lidhur me Storiet do të kryhet përmes Messengerit.

Për dallim nga këto largime, Facebooku po e shton një opsion të ri të skorieve të përbashkëta për ngjarje të caktuara. Me këtë veçori do t’iu mundësohet përdoruesve të kontribuojnë në një Storie të përbashkët me postimet që do të lejohen nga organizatorët e ngjarjes.

Rrjeti i madh social nuk ka treguar asnjëherë për sukseset e “Facebook Stories”, por në shtator kishte thënë se “Messenger Day” kishte 70 milionë përdorues aktivë, në krahasim me 300 milionë përdorues aktivë në “Instagram Stories”.