Fadil Berisha merr çmimin “Mërgimtari i Vitit”

Fotografi Berisha ka deklaruar se ka fituar shumë çmime  por ky është më i dashuri sepse "është afër zemrës"

Ministri i Diasporës, Dardan Gashi, në ditën e parë të vizitës zyrtare në ShBA, ka takuar artistin dhe fotografin e mirënjohur, Fadil Berisha të cilit ju nda çmimi traditional “Mërgimtari i Vitit”. Së bashku me Gashin ishte edhe  Konzullja e Përgjithshme në Neë York, Teuta Sahatçiu, transmeton albinfo.ch.

Fotografi Berisha ka deklaruar se ka fituar shumë çmime  por ky është më i dashuri sepse “është afër zemrës”.

Fadil Berishës retroaktivisht për kontributin e tij në promovimin e kulturës shqiptare në botë dhe sukseset në lëminë e fotografisë,  më 2 gusht të vitit 2017 i është ndarë çmimi “Mërgimtari i Vitit”, çmim i përvjetshëm që ndahet në bazë të Rregullores 2/2016 MeD për Ndarjen e Çmimit Mërgimtar i Vitit.

Ndërsa ministri Gashi ka thënë: “Bashkatdhetarët tanë si z. Fadil Berisha janë duke i dhënë imazhin më të mirë kombit shqiptar nëpër vendet ku jetojnë dhe veprojnë. Me punën e tyre dhe sukseset e jashtëzakonshme të arritura jane bërë shembull i integrimit dhe promovimit të vlerave të kombit tonë”.