Integrimi
Falë kontributit të mërgimtarëve Kosova ka pozitë më të mirë ekonomike
Kryetari Haziri ka potencuar faktin mërgimtarët i kanë meritat kryesore për pozitën gjithnjë e më të mirë të Kosovës
Në kuadër të Muajit të Mërgimtarëve, deputetja shqiptare komunën Gislaved e Suedisë, e ka vizituar të mërkurën komunën e Gjilanit, me ç’rast është pritur nga kryetari i kësaj komune, Lutfi Haziri, ka njoftuar zyra për media e komunës së Gjilanit.
Siç thuhet në njoftim, gjatë këtij takimi, kryetari Haziri ka potencuar faktin mërgimtarët i kanë meritat kryesore për pozitën gjithnjë e më të mirë të Kosovës.
“Komuna e Gjilanit ka shpallur Muajin e Mërgimtarëve, që do të jetë gjithnjë gjatë kohës së pushimeve, si muaj në të cilin janë përgatitur dhe do të përgatiten aktivitete të shumta kulturore, sportive, por edhe argëtuese dhe rekreative, me qëllim të plotësimit sadopak të mallit për vendlindjen”, ka thënë Haziri gjatë këtij takimi, thuhet në njoftimin e komunës.
Haziri më tej ka thënë se të gjitha shërbimet në komunën e Gjilanit janë në funksion të mërgimtarëve, në mënyrë që ata të marrin shërbime të shpejta, në Administratën Komunale, duke mos humbur kohë të gjatë para sporteleve, sepse edhe ashtu koha e lirë e tyre është e limituar dhe shumë e vlefshme.
Ndërsa, deputetja Azizi, ka informuar kryetarin për gjendjen e shqiptarëve në Suedi, me theks të veçantë integrimin në shoqëri që tashmë prej vitesh është i tejkaluar dhe sot atje fëmijët shqiptarë, të rinjtë në përgjithësi kanë jetën e njëjtë sikur të komunitetit suedez.
“Sot në Suedi ka shqiptarë nga Kosova me një numër të konsiderueshëm dhe nga gjenerata e punëtorëve të krahut që ishte në fillet e mërgatës, tani gjendja ka ndryshuar dhe kemi udhëheqës bizneseve, mjek, profesor, inxhinier dhe profesionist të fushave të ndryshme e të shumta”, ka thënë deputetja Azizi, thuhet në këtë njoftim.
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla