FDP kërkon kufizimin e ardhjes së të huajve në Zvicër

FDP angazhohet për fuqi punëtore të kuaklifikuar, si inxhinierë, mjekë ose teknikë medicinalë nga vendet e BE-së

Partia Liberale e Zvicrës (FDP) ka dalë sot me një qëndrim të saj të ri rreth politikës së migracionit. Në një komunikatë për medie të publikuar sot, FDP ka kërkuar që të shikohet që mundësisht të mos u bëhet vend në Zvicër të huajve të pakualifikuar dhe atyre që vijnë nga vendet jashtë Bashkimit Evropian.

E kundërta, FDP angazhohet për fuqi punëtore të kuaklifikuar, si inxhinierë, mjekë ose teknikë medicinalë nga vendet e BE-së. Këta të huaj, sipas kësaj partie do t`i kontribuonin mirëqenies së Zvicrës, shkruan Tages Anzeiger.ch.

FDP synon një orientim të qartë të politikës për të huaj. Ajo kërkon edhe ashpërsim edhe në rregullat e bashkimit familjar te të huajt. Dokumenti në të cilin kjo parti shfaq qëndrimin e saj për të huajt do të miratohet në muajin shkurt.