Feith uron Pacollin dhe Thaçin

Sipas tij, presidenti dhe kryeministri kanë role shumë të rëndësishme në udhëheqjen e zhvillimit të Kosovës në të ardhmen

Përfaqësuesi Civil Ndërkombëtar (ICO) në Kosovë, Pieter Feith, njëherësh i dërgfuar i posacëm i BE-së, uroi presidentin dhe kryeministrin e ri të Kosovës pas votimit në Kuvendin e Kosovës.

“I uroj presidentin Pacolli dhe kryeministrin Thaçi për zgjedhjen e tyre në këto poste të rëndësishme dhe me përgjegjësi. Unë u dëshiroj atyre çdo sukses në punën e tyre në shërbim të të gjithë popullit të Kosovës”, thuhet në urimin e Feithit.

Sipas tij, presidenti dhe kryeministri kanë role shumë të rëndësishme në udhëheqjen e zhvillimit të Kosovës në të ardhmen, duke përfshirë progresin e mëtejmë në perspektivën e saj drejt BE-së.

Po ashtu, Feith ka thënë se në adresimin e këtyrë çështjeve të ngutshme, i siguron presidentin dhe kryeministrin se do ta kenë këshillën dhe mbështetjen e tij.