Fëmijët ‘mundin’ 3 futbollistët e Superligës 90:1!

Organizata humanitare "Swissaid" ka formuar një ekip prej 70 fëmijëve. Ata kanë fituar me rezultat të thellë ndaj tre lojtarëve të Superligës zvicerane

Në stadiumin Letzigrund të Cyrihut, të enjten është dashur të zhvillohet ndeshja në mes tre lojtarëve të Super League, kundër një ekipi prej gjithsej 70 fëmijëve. Marco Schönbächler nga FCZ, Milan Vilotiq nga FC St. Gallen dhe Liridon Mulaj nga Xamax e pranuan këtë sfidë.

Pas një trajnimi intensiv me legjendën kombëtare dhe trajnerin e FCZ Ludovic Magnin, 70 fëmijët e të ashtuquajturit “FC Swissaid”, kundërshtarëve të tyre të rritur u treguan se mund të arrihet fitorja. Futbollistët profesionistë ishin në fakt paksa të mbingarkuar me sulmin e madh të fëmijëve, përcjell albinfo.ch.

Pas pjesës së parë, në stadiumin Letzigrund të Cyrihut rezultati ishte 6:1 në favor të FC Swissaid. Në pjesën e dytë, kushtet për profesionistët u ashpërsuan edhe më tepër, sepse lojtarëve të vegjël iu lejua të luajnë me gjithsej 70 topa dhe kështu shënuan 84 gola.

Loja u drejtua nga ish gjyqtari i UEFA-s, Nicole Petignat. Bile pas një ndërhyrje të palejuar, ai ia tregoi një karton të verdhë profesionistit Schönbächler. Nga ai moment, ai iu përmbajt rregullave korrekte të lojës, shkruan “20 Minuten”, përcjell Albinfo.ch.

Arsyeja për lojën e veçantë është 70 vjetori i fillimit të shitjes së simbolit të organizatës humanitare “Swissaid”. Në këtë organizatë, fëmijët mbledhin para për projekte kundër urisë dhe varfërisë në vendet në zhvillim, përmes shitjes së artikujve dekorativë dhe të zejtarisë. Sipas një deklarate, Swissaid i ka falënderuar fëmijët për ndeshjen e futbollit dhe për eksperiencën e paharrueshme.

VIDEO

---