Lajme

Fenerbahçe tani kërkon një kosovar për trajner

Pas eksperiencave me klube të mëdha, si Anderlecht, Legia e Varshavës dhe Olympiacos, Besnik Hasi mund të provojë një aventurë të re te gjigandët turq të Fenerbahces.

Lajmi i bujshëm për interesimin e verdhezinjve nga Stambolli për trajnerin shqiptar raportohet nga mediat turke, me Fenerbahcen ku luan edhe futbollisti i Kosovës, Vedat Muriqi, që është vënë në lëvizje për të firmosur me Hasin pasi shikon tek ai njeriun ideal për stolin, pasi një sezoni poshtë pritshmërive.

Sipas gazetës “Arriyadiyah”, edhe pse Hasi ka kontratë për një vit me klubin e Al Read, interesimi i Fenerbahces duket se e ka tunduar tej mase ish-kapitenin e Kombëtares shqiptare.

Gjithashtu raportohet se klubi arab ka dërguar në Belgjikë në ditët e kaluara një avion privat për të marrë Hasin dhe familjarët e tij për t’i kthyer në Arabinë Saudite.

Trajneri ka udhëtuar drejt klubit arab, por deri tani nuk ka dalë ende në stërvitje me skuadrën, për shkak të situatës nga COVID-19./indeksonline


LAJME INTERESANTE NGA INTERNETI