Festivali i nacioneve në Volketswill

Në vazhdën e aktiviteteve të SH.K.A „DARDANIA“ tash më  të sprovuar dhe me një traditë të gjatë organizative dhe pjesëmarrje në festivale të ndryshme, këtu në Zvicër dhe trevat tona kombëtare, edhe këtë vit si gjithënjë do të merr pjesë në festën e nacioneve në Volketswill të Zürichut më datën 22 dhe 23 shtatorë 2018 nga ora 11: 00, duke u prezentua me këngë e valle të identitetit tonë kombëtar, duke u paraqitë edhe me kulturën dhe traditën e ushqimeve dhe pijeve tona tradicionale të shqipëtarëve.

Pjesëmarrja e komunitetit tonë vetëm sa e zbukuron gjithë këtë festival të organizuar nga qyteti i Volketswillit i cili organizohet çdo dy vite dhe ka karakter prezentimin e vlerave kulturore të të gjitha nacionee që jetojnë dhe veprojnë në pjesën e epërme të kantonit të Cyrihu, andaj edhe pjesëmarrja e kësaj qendre kulturore vetëm sa do ta begatoj si gjithënjë këtë festival, kur dihet edhe përvoja prej 24 vitesh të kësaj shoqërie, e cila po paraqet identitetin tonë edhe para vendasëve, duke ruajt kështu vlerat tona edhe në mërgatë.

Për informata:

Shoqëria Kulturore – Artistike „ Dardania“ Oststrasse 33

8400 Winterthur

www.dardania95.ch

Nat: +41 79 672 41 82