Futboll
FFK organizon turne përkujtimor për datëlindjen e Fadil Vokrrit
Në shenjë nderimi dhe përkujtimi për ish-presidentit të FFK-së, Fadil Vokrri, Federata e Futbollit e Kosovës do të organizojë turne përkujtimor në datëlindjen e tij më 23 korrik, përcjell albinfo.ch.
FFK ka njoftuar se turneu do të jetë tradicional dhe do të mbahet çdo vit në këtë datë.
“Në këtë turne janë ftuar dhe do të marrin pjesë veteranët e skuadrave të Llapit, Prishtinës, Flamurtarit nga Vlora dhe Përzgjedhja e veteranëve nga Maqedonia e Veriut. (Veteranët +45 vjet). Ky turne do të zhvillohet në stadiumin “Fadil Vokrri” në Prishtinë, më 23 korrik 2019”, thuhet në njoftim.
Ndeshja e parë do të zhvillohet në orën 18.00, e dyta në orën 19.00, kurse ndeshja e tretë dhe finale do të zhvillohet në orën 20.00.
Me këtë rast, FFK-ja ka bërë ftesë për pjesëmarrje në këtë turne.
“Të gjithë dashamirëve e adhuruesve të futbollit, bashkëlojtarëve e bashkëkohanikëve, shokëve e miqve të Fadilit, si dhe mbarë opinionit në Kosovë dhe jashtë Kosovës, që të jenë të pranishëm në këtë turne përkujtimor, që ta nderojmë kujtimin për legjendën, Fadil Vokrri. Në këtë turne janë ftuar po ashtu dhe figura të rëndësishme nga jeta sportive e politike nga Kosova dhe jashtë Kosovës. Duke shpresuar dhe besuar në ardhjen tuaj, FFK-ja Ju falënderon të gjithëve”, thuhet në njoftim.
Fadil Vokrri, i cilësuar si legjenda e futbollit të Kosovës, vdiq më 9 qershor të vitit 2018.
Të ngjashme
Të tjera nga Futboll
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë