E-Diaspora
Fillim të mbarë, albinfo.at
Pas numrit të parë të revistës, albinfo.at së shpejti do të dalë edhe online, me portalin e saj me po këtë emër
Hapja e platformës Albinfo.at online & print përbën një hap të rëndësishëm drejt një informimi të mirëfilltë, cilësor, profesional dhe neutral me lajme dhe shërbime që kanë të bëjnë me diasporën shqiptare në Austri, si dhe me marrëdhëniet e saj me vendet e prejardhjes si dhe me vendin pritës. Gazeta është vetëdija e një kombi, thoshte Albert Camus.
Platforma Albinfo e ka dëshmuar veten që prej afro 10 vitesh, me një vazhdimësi të punës së saj, me një reaktivitet dhe pasqyrim sa më objektiv të realiteteve shoqërore, ekonomike, financiare, politike, kulturore, shkencore dhe sportive të mërgatës shqiptare. Ajo, me përvojën e saj, tashmë është dritarja e pashmangshme që artikulon me një perspektivë konstruktive, arritjet, nevojat, brengat, sfidat dhe interesat e mërgatës së madhe shqiptare.
Liria e shtypit është parakusht i pazëvendësueshëm për tu vënë në shërbim të komunitetit dhe integrimit të harmonishëm të tij. Albinfo është medium plotësisht i pavarur, i cili promovon tolerancën, vlerat demokratike dhe hapjen ndaj kulturës dhe rendit politiko-juridik të vendeve ku jetojnë shqiptarët, duke i kultivuar njëkohësisht vlerat dhe trashëgiminë e kulturës së prejardhjes. Ne këtë spektër, mbrojtja e imazhit të komunitetit shqiptar dhe angazhimi i pa kompromis kundër stereotipave dhe diskriminimit racor, ka qenë dhe mbetet në fokus të veçantë të platformës Albinfo.
Tani, dalja në shesh e revistës dhe portalit Albinfo.at u mundëson bashkëkombësve tanë të kenë pranë një mjet informimi, por edhe afirmimi, të komunitetit shqiptar atje, sikurse në raport me vendet e prejardhjes, ashtu dhe në raport me vendin ku ata janë lindur, rritur apo jetojnë, respektivisht Austrinë.
Natyrisht, një medium jeton falë lexuesve të tij dhe bashkëpunimit me akterët ekonomikë që veprojnë dhe zhvillohen atje. Janë pra dy anët e medaljes së Albinfo, ajo e profesionistëve të Albinfo, dhe ajo e lexuesve dhe partnerëve që e mbështesin atë të veprojë dhe lulëzojë në afate te gjata.
Falë angazhimit me zell të Z. Arben Gjinaj dhe kolegëve të tij, bashkëpunëtorë që, duke qenë me qëndrim në Austri, me vite kanë bashkëpunuar me Albinfo, Albinfo.at do të rrezatojë dhe shpresojmë do të zhvillohet sikurse simotra e saj në Zvicër.
Ju urojmë po ashtu edhe juve lexues-e për këtë projekt të ri në shërbim të komunitetit shqiptar në Austri.
Pra Albinfo.at, paçi fillim të mbarë !
Dr. Bashkim Iseni, themelues i platformës Albinfo
Të ngjashme
Të tjera nga E-Diaspora
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale