Maqedonia

Shkup: Fillon projekti “Programi për mbështetje parlamentare”

Kryetari i Kuvendit të Maqedonisë së Veriut, Talat Xhaferi, ka falënderuar Ambasadën zvicerane dhe NDI-në për mbështetjen e 10-vjeçare që kanë dhënë për Kuvendin e këtij shteti. Në promovimin e “Programi për mbështetjen parlamentare”, Xhaferi ka thënë se bashkëpunimi shumëvjeçar ishte shumë produktiv, transmeton albinfo.ch.
“Në kontekst të kësaj që e thashë, mund të konstatoj se bashkëpunimi ynë me Institutin Nacional Demokratik është në nivel të lartë dhe gjatë gjithë periudhës jemi vërtetuar se bëhet fjalë për një ekip të përbërë prej profesionistëve të vërtetë, të cilët e njohin së afërmi mënyrën funksionimit të Kuvendit, përparësitë, mirëpo edhe dobësitë, potencialin e shfrytëzuar, por edhe potencialin akoma të pashfrytëzuar”, ka thënë ai .
Në fillim të këtij projekti u paraqiten disa instalime, në të cilat janë shënuar qëllimet e bashkëpunimit të deritashëm.
E ambasadorja e Zvicrës, Tehada Suter, deklaroi se në 10 vjetët e ardhshme ky program do të mbështesë përpjekjet e reformës së Kuvendit drejt një roli më të fuqishëm në mbikëqyrjen e ligjeve ekzekutive.