Fillojnë ditët e diasporës në Ferizaj

Në Ferizaj sot fillojnë ditët e diasporës, aktivitet janë organizuar nën patronatin e kryetarit të komunës Agim Aliu.

Xhemile Murati-Shabani, drejtoreshë për Kulturë, Rini dhe Sport, është shprehur se i kanë bërë të gjitha përgatitjet për t’i mirëpritur bashkatdhetarët në të gjitha aspektet, dhe t’ju ofrojë shërbime sa më cilësore që bashkatdhetarët tanë të mbesin të kënaqur nga ardhja në vendlindjen e tyre, raporton televizioni publik i Kosovës.

Aktivitetet do të fillojnë sot dhe do të përfundojnë me 4 gusht, përcjell albinfo.ch.

Gjatë këtyre ditëve të diasporës do të organizohet edhe Festa e Miqësisë, ku do të këndojnë shumë këngëtarë të njohur.