Bota
Fitorja e ngushtë ia vështirëson CDU/CSU-së ndërtimin e qeverisë
Pas tërheqjes së SPD-së nga bërja e qeverisë dhe forcimit të AFD-së ekstreme, ajo që mbetet e mundshme është lidhja me CDU/CSU-në e partisë së Gjelbër dhe FDP-së (Partisë Liberale)
Ndonëse ka pasur rënie prej 8 % në krahasim me zgjedhjet e kaluara, duke rënë në 33%, koalicioni CDU/CSU edhe pas zgjedhjeve të sotme prin në krahasim me partitë tjera.
Nga ana tjetër, SPD, partia tjetër e «Koalicionit të madh», ka rënë në 21 për qind, duke pësuar humbje me 4 për qind në krahasim me zgjedhjet e katër viteve më parë. Në emër të SPD-së, për kancelar ka kandiduar Martin Schulz, ndërsa me humbjen e shënuar, partia tashmë ka shpallur tërheqjen nga pjesëmarrja në qeverinë e vendit.
Ndërkaq, ajo nga e cila kishte frikë në opinion, ndodhi: partia e ekstremit të djathtë AFD i fitoi 13 për qind të votave dhe për herë të parë ia doli të hyjë në parlament. Mirëpo, të gjitha partitë tjera në garë, kanë përjashtuar mundësinë e hyrjes në një qeveri të përbashkët me AFD-në.
Së këndejmi, ajo që mbetet e mundshme është lidhja me CDU/CSU-në e partisë së Gjelbër dhe FDP-së (Partisë Liberale). FDP, me 10% të votave ka siguruar kthimin pas mungesë katërvjeçare në parlament.
Ngritja e AFD-së, partisë me prirje të qarta kundër të huajve, ishte diçka e paraparë, shkruan albinfo.ch. Aksionet e saj kundër “kulturës së mikpritjes” që kancelaria Merkel e kishte promovuar dy vite më parë në raport me fluksin e madh të refugjatëve, i kanë sjellë rezultate partisë.
Në fakt ajo ka llogaritur në pakënaqësinë e një mase të konsiderueshme të qytetarëve ndaj refugjatëve, dhe kjo i është shpërblyer.
Kjo parti i ka vënë vetes për qëllim “përzënien e Merkelit”. Njëri nga krerët e AFD-së, Gauland, ka deklaruar sot se “ne kemi ardhur për të mbetur”. Deklaratë që duhet kuptuar si shpallje lufte politikës së udhëhequr nga partitë e etabluara: CDU dhe SPD.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Kaos në tunelin Gotthard: Shoferët sulmojnë aktivistët e klimës (VIDEO) Bllokim trafiku dhe skena kaotike janë evidentuar gjatë ditës së sotme para tunelit Gotthard. Statë simpatizues...
-
Zvicra po përballet me kritika për mungesën e ndihmës financiare për Ukrainën
-
Komiteti i parlamentit zviceran propozon trefishimin e taksave për studentët e huaj
-
Rrëshqitja e shkëmbinjve në Brienz: A ekziston një kërcënim?
-
Gotthard, mbi 20 kilometra bllokime trafiku