Gruaja
Flaka Jahaj, fituese e “Swiss Design Awards” 2014
Punimet e Flaka Jahajt të kujtojnë kostumet kombëtare nga vendlindja e saj, Kosova, shkruajnë mediet zvicerane

Janë shpallur emrat e fituesve të çmimit kryesor të Zvicrës për dizajn për vitin 2014. “Swiss Design Awards” jepet nga Zyra Federale për Kulturë (BAK) për arritjet më të mira të dizajnit në fusha si: fotografia, dizajni grafik, dizajni i modës dhe tekstilit dhe dizajni në produkte ose objekte.
Çmimi, i cili jepet që nga viti 1918, sivjet u është ndarë 20 personave ose ekipeve. 3 çmime janë ndarë për fotografi, 9 për dizajn grafik,4 për dizajn mode dhe tekstili dhe 4 për dizajn produktesh dhe objektesh.
Njëra ndër katër fitueset e çmimit për dizajn mode dhe tekstili është kreatorja shqiptare e modës, Flaka Jahaj. Flaka është e lindur në Kosovë ndërsa është rritur dhe shkolluar në Zvicër. Viteve të fundit artistja shqiptare jeton në mes të Parisit, Londrës dhe Zvicrës, e angazhuar për firma të mëdha të modës.
Punimet e Flaka Jahajt të kujtojnë kostumet kombëtare nga vendlindja e saj, Kosova, shkruajnë mediet zvicerane duke prezantuar disa prej tyre.
Secili çmim përmban edhe vlerën monetare që është 25 mijë franga ose i kthyer në një mundësi praktikumi apo një qëndrimi në ndonjë atelie jashtë vendit.
Njëra ndër të shpërblyerat, Jahaj ka thënë për gazetën “Tageswoche” se me këtë shumë parash të fituar do të mbulojë shpenzimet e bëra. Flaka është shprehur se puna që bën ajo me dëshirë, mjerisht nuk mund të shitet në mënyrë masive.
Kanë konkurruar 303 artistë me 252 dosje. Prej tyre komisioni federal ka ndarë në një përzgjedhje më të ngushtë 49 projekte nga të cilat në fund kanë dalë 20 më të mirat.
Punimet e shpërblyera dhe të tjerat, të përzgjedhura do të ekspozohen nga e hëna (16 qershor, ora 18) në Halle të Qendrës së panaireve në Bazel. Ndarja e çmimeve do të bëhet më 17 qershor po ashtu nga ora 18.
Të tjera nga Gruaja
E-Diaspora
-
Cyrih: Debat mbi shpëtimin e hebrenjve në Shqipëri Organizata e Studentëve dhe Alumni-ve Shqiptarë nga Berlini ka zhvilluar një projekt me këtë temë, i...
-
Zgjedhjet 2023
Një alternativë, zvicerani Alex Pfister, kandidat për zgjedhjet nacionale më 22 tetor 2023
-
Fillim i mbarë i ordinancës së mjekut shqiptar “Gefässmedizin Winterthur»
-
Edhe një investim nga Zvicra në Kosovë
-
Korab Rashiti: Të bashkojmë votën, pavarësisht nga përkatësia partiake
Jeta në Zvicër
-
Shtatori i vitit 2023, më i ngrohti në historinë e Zvicrës Shtatori i vitit 2023 do të hyjë në histori si më i ngrohti që nga...
-
Katër rregullat e reja në trafik që duhet t’i dini
-
Cyrih: Debat mbi shpëtimin e hebrenjve në Shqipëri
-
Ndërpritet trafiku hekurudhor mes Bazelit dhe Mulhouse
-
90 deputetë mbrojnë interesat në sektorin e shëndetësisë