Kosova
Flet kryeprokurori i Kosovës, 7 të arrestuar deri më tani për trafikim droge
Sipas tij, gjatë hetimit janë përdorur mjete të fshehta hetimore, teksa ka shtuar se do të luftohet krimi i organizuar
Pas zbulimit të mbi 400 kilogramëve kokainë, Prokuroria dhe Policia e Kosovës kanë mbajtur konferencë për media ku u bë e ditur se janë arrestuar shtatë persona.
Kryeprokurori i shtetit Aleksandër Lumezi theksoi se me urdhër të Prokurorisë Speciale dhe në bashkëpunim me Policinë e Kosovës autoriteteve italiane dhe atyre të Shqipërisë, janë konfiskuar 400 kg kokainë, vlera e të cilës arrin 20 milionë euro.
Sipas tij, janë sekuestruar gjithashtu të holla, vetura dhe gjëra të tjera.
Lumezi theksoi se gjatë fazës së hetimeve janë përdorur masa të fshehta, ku janë përcjellë narkotikët nga Brazili.
“Kemi bashkëpunuar me partnerët tanë. Kjo jo vetëm që ishte sfidë por edhe detyrim për ta luftuar krimin e organizuar”, ka thënë ai.
Ndërsa drejtori i Përgjithshëm i Policisë, Sabedin Mehmeti tha se janë arrestuar shtatë persona derisa disa të tjerë janë në kërkim.
“Policia ka arrestuar personat e dyshuar. Prokurori i rastit ka autorizuar bastisjen edhe disa lokacioneve tjera. Dërgesa kishte destinacion edhe shtete të tjera. Deri më tani janë arrestuar shtatë persona shtetas kosovarë. Janë konfiskuar edhe telefona, vetura edhe një armë. Policia e Kosovës është në kërkim edhe të disa të dyshuarve tjerë”, ka thënë ai.
Sipas Mehmetit operacioni është duke vazhduar dhe mund të ketë të arrestuar dhe bastisje të tjera.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mori 1000 franga para bankomatit, 75-vjeçarja detyrohet t’i kthejë Një grua e moshuar që mori një CHF 1,000 që nuk ishte mbledhur nga një përdorues...
-
Fitimet e Bankës Kombëtare të Zvicrës kthehen në nivel rekord
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës