Flet vajza shqiptare që mori dhuratë të veçantë nga Bill Gates

Gjulia Kurti është renditur e dyta në konkursin botërorë të shpikjeve të reja, projekti "Internet pa WIFI".

Xhulia Kurti është një studente e vitit të tretë të Shkencave Kompjuterike dhe në një konkurs për teknologji u rendit e dyta në botë sa u përket shpikjeve të reja kompjuterike për vitin 2021, transmeton albinfo.ch.

Theksohet se në fazën finale ishin përzgjedhur 26 pjesëmarrësit më të mirë nga e gjithë bota.

Thuhet se ky konkurs prestigjioz IAA mobilitython u zhvillua në Mynih të Gjermanisë, për studentët e apasionuar ndaj teknologjisë. Në përfundim, shqiptarja ka marrë edhe një surprizë të bukur.

Ajo në emisionin ALARM  ka treguar se për të realizuar këtë projekt i janë dashur rreth një vit e gjysmë.

“Jam renditur e dyta në botë në projekt që ka të bëjë me lidhjen e kompjuterëve dhe celularëve me Internet pa WIFI. Nga ideja deri te prezentimi i projektit m’u deshën rreth 1 vit e gjysmë kohë”, tha ajo.

Derisa ka treguar se është ndier shumë e nderuar që ka marrë dhuratë librin e Bill Gates ende pa dalë në treg.

“Po, normalisht që po, sepse është shumë i njohur për pjesën teknologjike dhe ka revolucionarizuar industrinë që prej viteve të hershme, shumë para se të lindja unë, kështu që unë jam shumë e nderuar që e kam librin e tij”, tha Kurti.

---