Forcohet euro, dobësohet dollari

Euro kundër dollarit, ajo është rritur thuajse 15 për qind këtë vit

Monedha euro ka arritur në kuotën e 1.2 dollarëve, për të parën herë që nga janari i vitit 2015, ndërsa perspektiva e një rritjeje të normës së interesit në SHBA zbehet.

Pasojat e uraganit “Harvey” kanë bërë që analistët të vlerësojnë se, Banka Qendrore amerikane nuk do të dojë të rrezikojë rritjen ekonomike, e frika mbi aktivitetet e Koresë së Veriut ka nervozuar investitorët, raporton “TCH”.

Një rritje në normën e interesit, zakonisht tërheq investitorët drejt një monedhe, duke përfituar nga fitimet më të larta. Ndërkohë, vet euro ka fituar terren ndaj një serie monedhash, përcjell albinfo.ch.

Kundër dollarit, ajo është rritur me thuajse 15 për qind këtë vit. Euro është forcuar muajt e fundit, ndërsa ekonomia e Eurozonës po përmirësohet dhe tregjet parashikojnë që Banka Qendrore Evropiane mund të fillojë të ndërpresë programin e prerjes së parave, që e nisi për të riparuar dëmet e krizës së Eurozonës dhe asaj të kredive të fundit të viteve 2000.