Formacioni i Shqipërisë kundër Moldavisë

Federata e Futbollit te Shqiperise, FB

Trajneri i Kombëtares Shqiptare, Sylvinho, ka publikuar formacionin e kuqezinjve që do të luajnë sonte përballë Moldavisë.

Kombëtarja do të luajë me formacionin 4-3-3.

Shqipëria synon 3 pikët dhe për të arritur këtë rezultat, në fushë janë Strakosha, Mitaj, Ismajli, Gjimshiti, Hysaj, Bare, Ramadani, Bajrami, Asani, Uzuni dhe Cikalleshi, shkruan klan.

Ndeshja luhet në stadiumin “Air Albania” prej orës 20:45. Kjo ndeshje konsiderohet si një nga 7 finalet në rrugën drejt Euro 2024.

Shqipëria nuk ka asnjë pikë deri më tani, pasi e humbi sfidën e parë me Poloninë, ndërsa Moldavia ka 2 barazime në po aq ndeshje. Fitorja është një detyrim në garën për një vend në Evropian dhe për të shkuar më të motivuar në ndeshjen e së martës me Ishujt Faroe, përcjell albinfo.ch.