Kosova
“AR. Katana” do të ndërtojë “Shtëpinë e Bardhë” në Gjilan
Gjiganti i ndërtimeve “AR. KATANA” me pronarin e suksesshëm Muhamet Ajrullahu tashmë ka nënshkruar kontratat me mbi 30 pronarë fizik e juridik të Shtëpisë së Mallrave dhe së shpejti pritet të nis ndërtimi i kompleksit të quajtur “Shtëpia e Bardhë”
Shtëpia e Mallrave është njëra nga tri pikat kyçe dhe emblematike të Gjilanit. Tani ky objekt shumë shpejt do të marrë një pamje krejtësisht tjetër dhe do të quhet ndryshe edhe si “Shtëpia e Bardhë” e Gjilanit.
Pronari i kompanisë gjigante të ndërtimeve të larta Muhamet Ajrullahu flet për investimet në këtë objekt dhe për idenë pse zgjodhi pikërisht këtë ndërtesë dhe këtë objekt për ta kthyer në normalitet.
“E kam zgjedhur Shtëpinë e Mallrave” sepse gjendja e këtij objekti ishte e mjerueshme. Çdo vizitor i thjeshtë që zbarkon në Gjilan, në sy i bije ky objekt sepse është emblematik. Shpresoj që shumë shpejt të fillojmë punën, meqë tanimë kemi arritur të kryejmë pjesën dërmuese të kontratave me pronarët fizik dhe juridik që janë mbi 30 veta”, shprehet Ajrullahu, përcjell albinfo.ch.
Objekti do të ketë dy kate nëntokësore, 3 deri në 5 kate do të jetë për afarizëm, 10 deri 12 kate do të ketë banim kolektiv.
Meqë kjo është Zonë e veçantë edhe ndërtimi në këtë objekt do të jetë i veçantë dhe atraktiv e me shumë përsosmëri mendon Ajrullahu.
Ai mendon se punët mund të kryhen në një afat tre vjeçar, ndësa pritet të punësohen nga 500 deri 1200 persona.
Objekti parashihet të ketë mbi 10 deri 15 mijë metra katrorë hapësirë për afarizëm, derisa risi do të jenë brendet evropiane dhe botërore, kurse një esencë tjetër kryesore mbetet eliminimi i shumë kostove për të shtuar investimet jashtë Gjilanit.
Banesat kolektive gjithashtu parashihet të jenë moderne, me standarde evropiane dhe me shije duke u bazuar në kriteret urbanistike, ekologjike, me shumë hapësira gjelbëruese, kënde e lojëra për fëmijë, parkingje nëntokësore, dhe me një fasadë të paparë dhe unike etj.
Ajo çka e veçon në fakt kompaninë që e udhëheq Muhamet Ajrullahu është investimi në infrastrukturën e dorës së parë.
Sipas, Ajrullahut banesat e kompleksit “AR – KATANA” posedojnë edhe oxhakun për kyçje të kaminit, ballkon të gjerë dhe të shfrytëzueshëm.
Të ngjashme
Të tjera nga Kosova
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën