Lajme
Franca gjobit Google me 220 milionë euro për dëm ndaj kundërshtarëve
Rregullatori i konkurrencës në Francë gjobiti Google me 220 milionë euro pasi zbuloi se kishte abuzuar me pozicionin e saj dominues në treg për vendosjen e reklamave në internet duke dëmtuar kundërshtarët.
Ky është aksioni i fundit që kur autoritetet evropiane morën vendimin për të mbajtur qëndrime më të ashpra kundër gjigantëve të teknologjisë amerikane.
Përveç gjobës, Google premtoi të përmirësojë ndërveprimin e shërbimeve të saj Google Ad Manager për palët e treta.
“Vendimi që gjobit Google është veçanërisht domethënës pasi është i pari në të gjithë botën që merret me proceset komplekse të ankandit algoritmik të përdorura për reklamimin në internet,” – tha Isabelle de Silva, e cila kryeson rregullatorin e konkurrencës në Francë.
Me raste të ndara në Google, Apple Inc. apo Facebook, rregullatorët francezë të antitrustit kanë filluar të frenojnë sjelljen anti-konkurruese për reklamat në internet. Ndërsa çështja e Google përfundoi me një gjobë, Facebook javën e kaluar u përpoq ta shmangte duke ndërmarrë angazhime për të zbutur rregullatorët.
Çështja Google buron nga një ankesë e paraqitur në 2019 nga Rupert Murdoch’s News Corp., gazeta franceze Le Figaro dhe grupi i mediave belge Rossel La Voix, që akuzuan Google për monopol mbi shitjet në internet të reklamave.
Nuk është hera e parë që Google gjobitet nga autoritetet franceze mbi reklamat në internet pas një gjobë prej 150 milion euro në 2019. Motori i kërkimit gjithashtu rrezikon një penalizim në javët e ardhshme për dyshimet që nuk arriti të respektojë një urdhër në lidhje me shërbimin e tij të lajmeve./euronews
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Ish-presidenti thotë se Zvicra duhet të anëtarësohet në BE Një ish-anëtar i Këshillit Federal thotë se e vetmja mënyrë se si Zvicra do të arrijë...
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten