Lajme

Francë, karantinë 10-ditore për udhëtarët e këtyre 5 vendeve

Është bërë e ditur se të gjithë pasagjerët nga Brazili, India, Kili, Afrika e Jugut dhe Argjentina do t’i nënshtrohen një karantine 10-ditore kur të mbërrijnë në Francë, pavarësisht rezultatit të testit COVID-19, njoftoi ministri i Brendshëm, Gerald Darmanin, transmeton albinfo.ch.

“Dekreti i karantinës do të zbatohet në vend të angazhimit për të respektuar një izolim 7-ditor që duhet të merret nga udhëtarët që mbërrijnë në Francë”, tha ministri në një konferencë shtypi.

“Këta të fundit do të duhet ta justifikojnë ardhjen e tyre me një testi PCR negativ jo më të vjetër se 36 orë dhe do të testohen sistematikisht me një test antigjeni”, shto ai.

Ndërkohë, referuar rregullores së re, për të ardhur në Francë nga këto vende, vetëm shtetasit francezë dhe europianët që kanë vendbanimin e tyre kryesor në Francë do të mund të hyjnë në territorin kombëtar.

Para se të hipin në avion, pasagjerët duhet të deklarojnë në linjën ajrore vendin e tyre të karantinës në Francë dhe të sigurojnë prova të ekzistencës së këtij vendi (dëshmi e adresës, rezervim hoteli).

Nëse këto dokumente mbështetëse nuk janë bindëse, linja ajrore mund të refuzojë hipjen e udhëtarit në avion.

Një kontroll i ri i këtyre dokumenteve mbështetëse do të bëhet gjatë mbërritjes.