Fotolajmi
Frank-Walter Steinmeier, presidenti i ri i Gjermanisë
Ligjvënësit dhe përfaqësuesit e landeve të Gjermanisë e kanë zgjedhur të dielën, Frank-Walter Steinmeier, president të 12-të federal të Gjermanisë
Me 931 vota, ish-ministri i Jashtëm dhe politikani socialdemokrat, Frank-Walter Steinmeier është zgjedhur në raundin e parë të zgjedhjeve në Asamblenë Federale. Këtë e bëri të ditur Presidenti i Bundestagut, Norbert Lammert, shkrunan DW, përcjell albinfo.ch. Steinmeieri kishte mbështetjen e të dyja grupeve më të mëdha parlamentare në Bundestag, të CDU/CSU-së, dhe të socialdemokratëve të SPD. Për postin e presidentit kandiduan edhe katër persona të tjerë. Në fjalën e tij, presidenti Steinmeier bëri thirrje për t’u treguar të guximshëm për ta ruajtur lirinë në Evropë. Themeli i Evropës nuk është i palëndueshëm, por është i fortë, tha ai.
“Po të duam t’u japim guxim të tjerëve, duhet ta kemi atë vetë. Na duhet guxim për ta dëgjuar tjetrin, për të mos e mohuar realitetin, por për ta përmirësuar.”, tha Steinmeirer.
Kush është Steinmeier?
I lindur në vitin 1956 në Detmold, Steinmeier është i martuar me gjykatësen administrative, Elke Büdenbender dhe ka një vajzë që studion. Në vitin 2010, Steinmeier ndërpreu përkohësisht aktivitetin politik, për të ndihmuar gruan e tij të sëmurë, të cilës ai i dhuroi edhe një veshkë. Kjo i solli atij mjaft respekt në popullsinë gjermane.
Madje për presidentin e ri, vijnë fjalë të mira edhe nga politikanët e partive kundërshtare. Zëvendëskryeministrja bavareze, Ilse Aigner e cilësoi Steinmeierin „një kandidat të mirë”, ndërsa kristiansociali, Manfred Weber pret vazhdimësi. „Gjermania ka nevojë për udhëheqje të fortë, sidomos në situatën e tanishme.” Një mesazh i dërguar edhe nga kancelarja Merkel. Ajo e cilësoi vendimin për kandidaturën e Steinmeierit një „vendim nga arsyeja”. Edhe shumica e gjermanëve e mbështet një vendim të tillë.
Të tjera nga Fotolajmi
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave