Garanci e funksionimit të KES-it, dialogimi dhe partneriteti

Në takim u diskutua bashkëpunimi i OEK-ut si përfaqësues i punëdhënësve në Kosovë me Partneret Social në Kosovë.

Kryetari i OEK-ut, Safet Gërxhaliu së bashku me kryetaren e sapozgjedhur të Këshillit Ekonomiko – Social të Kosovës, Zineta Daci janë takuar me Jaap Wienen, Drejtor gjeneral i Institutit Union Confederation, si dhe Haxhi Arifin nga BSPK.

Në takim u diskutua bashkëpunimi i OEK-ut si përfaqësues i punëdhënësve në Kosovë me Partneret Social në Kosovë.

Wienen e informoi kryetarin e OEK-ut për aktivitetet që i zhvillon organizata të cilës ky i takon, i informoi se në organizatën botërore të punës janë të anëtarësuar 157 milionë anëtarë në të gjitha kontinentet e botës si dhe 315 konfederata sindikale.

Për këtë organizatë nuk është me rëndësi a është anëtare e OKB –së, por është me rëndësi të kyçen të gjitha organizatat sindikale në organizatën botërore.

Kryetari i OEK-ut, Safet Gërxhaliu e falënderoi Wienen për vizitën që i bëri OEK-ut sot dhe shprehi gatishmërinë për bashkëpunim dhe bashkëveprim të Partnerëve Social si dhe me të gjitha simotra në Bruksel dhe Gjenevë.

Ai e informoi gjithashtu rreth aktivitetit të OEK-ut si dhe biseduan mbi gjendjen ekonomiko – sociale ne Kosovë ku po ashtu shfrytëzoi rastin që t’i ftojë investitorët e huaj të vizitojnë Kosovën dhe të hulumtojnë partner vendorë.

Të dy palët pajtuan që duhet të inicohen projekte të ndryshme nga sfera e Dialogut Social në Kosovë nga Brukseli.

Daci, si përfaqësuese e sapo zgjedhur e KES-it, theksoi se do të angazhohet që sa më parë të aprovohet dhe të nënshkruhet Marrëveshja e Përgjithshme Kolektive e Kosovës, po ashtu shprehu gatishmërinë se OEK-ut është i gatshëm që së bashku me Partnerët Social në Kosovë të merr pjesë në Kuvendin vjetorë të ILO-së i cili do të mbahet në fillim të muajit qershor në Gjenevë.