Integrimi

Gazmend Freitag dhe “Piktura e përjetësisë”

Në vazhdën e pikturave të tij interesante, piktori ynë së fundmi në kuadrin e ciklit të punimeve të tij "Eisenbahnbrücken Zyklus", (Cikli i urave hekurudhore) ka pikturuar një urë në Linz

Piktori shqiptar që jeton në Austri, Gazmend Freitag, çdo ditë e më shumë është në fokusin e mediave austriake. Ai jeton prej disa vjetësh në Linz të Austrisë dhe puna e tij prej piktori ka bërë që tashmë të ketë simpatizues të shumtë të punës së tij.

Në vazhdën e pikturave të tij interesante, piktori ynë së fundmi në kuadrin e ciklit të punimeve të tij “Eisenbahnbrücken Zyklus”, (Cikli i urave hekurudhore) ka pikturuar urën në Linz, e cila është ndërtuar gjatë periudhës 1897 deri më 1900, të cilën komuna ka vendosur ta shkatërrojë.

“Një gazetë nga Linz-i më ftoi ta pikturoj urën e përmendur të qytetit, e cila ditë më parë u mbyll, mbas 116 vjetëve. Qytetarët e kanë një nostalgji të madhe për këtë urë. Fotot me mua i ka bërë gjithashtu kjo gazetë”, thotë Freitag për albinfo.ch.

Në shkrimin e gazetës “linza.at” piktori ynë me origjinë nga Komuna e Malishevës shprehet: “Urat për mua janë diçka lidhëse, ndërsa shkatërrimi i tyre lë një zbrazëti, e cila nuk mund të plotësohet kurrë”.


LAJME INTERESANTE NGA INTERNETI