Gjashtë vende afrikane do të fillojnë të prodhojnë vaksina

(KEYSTONE/Michael Buholzer)

Gjashtë vende afrikane – Egjipti, Kenia, Nigeria, Senegali, Afrika e Jugut dhe Tunizia – do të jenë të parat në kontinent që do të marrin teknologjinë e nevojshme për të prodhuar vaksinat e tyre mRNA, nga një skemë e drejtuar nga Organizata Botërore e Shëndetësisë, shkruan “TheGuardian”, përcjell albinfo.ch.

Projekti novator synon të ndihmojë vendet me të ardhura të ulëta dhe të mesme në prodhimin e vaksinave mRNA në shkallë dhe sipas standardeve ndërkombëtare, me synimin për t’i dhënë fund mbështetjes së madhe të vendeve afrikane nga prodhuesit e vaksinave jashtë kontinentit.

Njoftimi vjen në të njëjtën javë kur BioNTech, e cila prodhon vaksinën Pfizer për Covid-19 – vetë një vaksinë mRNA – njoftoi se planifikon të dërgojë objekte fabrikash të ndërtuara nga kontejnerë transporti në disa vende afrikane për të lejuar që vaksina Pfizer të prodhohet në kontinent.

OBSH krijoi qendrën e saj globale të transferimit të teknologjisë mRNA pas grumbullimit të vaksinave nga vendet e pasura – dhe problemeve me furnizimin nga India, pasi kompanitë u jepnin përparësi shitjeve qeverive që mund të paguanin çmimin më të lartë – do të thoshte se vendet me të ardhura të ulëta dhe të mesme u shtynë në fund, përcjell tutje albinfo.ch.