Lajme
Gjeneva dhe Cyrihu, të vetmet qytete evropiane në Top Dhjetëshen botërore
Ato janë në vendin e 7-të dhe të 8-të, si dy qytetet e vetme nga e gjithë Evropa që hyjnë në dhjetëshen e parë
Qytetet e Evropës kanë humbur dukshëm atraktivitetin e tyre për shkak të pandemisë së koronës.
Kështu, në renditjen vjetore të qyteteve “më të denja për jetë”, të realizuar nga Njësia e Inteligjencës Economist (EIU), e cila u botua të martën, Vjena, Hamburgu dhe metropolet e tjera evropiane paraqiten dukshëm më keq se në vitet e mëparshme, shkruan 30minuten.ch.
Nga ana tjetër, qytetet nga Zelanda e Re, Japonia dhe Australia kanë marrë pozicione më të larta.
Me Gjenevën dhe Cyrihun, dy qytete nga Zvicra ishin megjithatë në gjendje të mbaheshin në këtë radhitje, transmeton albinfo.ch.
Ato janë në vendin e 7-të dhe të 8-të, si dy qytetet e vetme nga e gjithë Evropa që hyjnë në dhjetëshen e parë.
Qyteti port i Zelandës së Re, Auckland ka siguruar titullin e “qytetit më të denjë për të jetuar në botë” këtë vit.
EIU shpjegon se ka qenë suksesi në kontrollimin e pandemisë Covid-19 ai që ka dhënë kontribut të rëndësishëm në këtë radhitje.
Osaka e Japonisë ndjek vendin e dytë, ndërsa Adelaide në Australi zë vendin e tretë. Kryeqyteti i Zelandës së Re, Wellington renditet i katërti.
Vjena – prijëse në renditjen e EIU nga viti 2018 deri në vitin 2020 – ka rënë në vendin e 12-të, transmeton albinfo.ch. Hamburg ka rënë madje 13 vende më poshtë se që, ishte, duke “aterruar” në vendin e 47.
“Tetë nga dhjetë qytetet me rënien më të madhe në renditje janë qytete evropiane”, shpjegon botuesi.
Në përgjithësi, EIU përmend “ngarkesën e sistemeve spitalore” dhe “vlerësimin e përkeqësuar të kujdesit shëndetësor” si arsye për performancën e dobët, veçanërisht për qytetet gjermane dhe franceze.
Pandemia gjithashtu kishte një ndikim veçanërisht të fortë në sektorin e kulturës dhe cilësinë e përgjithshme të jetës në Evropë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’