Lajme

Gjermani: Kërkesa ‘ekstreme’ për këlyshë gjatë pandemisë

Numri i pronarëve të qenve në Gjermani u rrit vitin e kaluar përderisa njerëzit kaluan më shumë kohë në shtëpi gjatë bllokimeve të pjesshme.

Sipas Shoqatës Gjermane të Qenve (VDH), 20 përqind më shumë qenusha u blenë nga banorët e Bundesrepublik në vitin 2020 krahasuar me vitet e mëparshme, raportoi Spiegel. Pavarësisht nëse ishte një qen i ri labrador apo francez, shumë njerëz vendosën të rritnin familjen e tyre të kafshëve shtëpiake, përcjell albinfo.ch

“Kërkesa është ekstreme”, tha kryetari i Rhineland-Palatinate VDH, Herbert Klemann. Mbarështuesit fjalë për fjalë janë “bombarduar” me thirrje dhe nuk mund të shumojnë aq kafshë sa ka kërkesë. Kjo tashmë ishte rasti në vitin 2020.

“Fakti që bllokimi është zgjatur po e rrit kërkesën edhe më tej”, shtoi ai.

Për shkak të më shumë familjeve që kalojnë më shumë kohë në shtëpi për shkak të masave të bllokimit, ka pasur një trend në të gjithë vendin për pronarët e kafshëve shtëpiake në rritje. Numri i njerëzve në mbarë vendin që duan këlyshë është i madh, tha zëdhënësi i VDH Udo Kopernik, përcjell tutje albinfo.ch


LAJME INTERESANTE NGA INTERNETI