Lajme
Gjermani: Më shumë se 50 mijë të vdekur nga COVID-19
Në raportin e fundit, nga autoritetet shëndetësore gjermane, thuhet se numri i të vdekurve nga koronavirusi (COVID-19) në Gjermani ka tejkaluar 50 mijë, gjegjësisht është rritur me shpejtësi gjatë javëve të fundit, pavarësisht asaj se numri i të infektuarve përfundimisht po bie, transmeton albinfo.ch.
Qendra shtetërore për kontroll të sëmundjeve, Instituti “Robert Koch” sot njoftoi se gjatë 24 orëve të fundit janë regjistruar 859 viktima apo gjithsej 50.642 nga fillimi i pandemisë.
Por, gjatë vjeshtës dhe dimrit regjistroi nivel shumë më të madh të infeksionit. Gjatë javëve të fundit në vendin prej 83 milionë banorëve në ditë janë regjistruar qindra raste të vdekjes, ndonjëherë edhe mbi 1.000. Gjermania nga 10 janari ka tejkaluar 40 mijë raste të vdekjes.
Nga ana tjetër, Kancelarja gjermane, Angela Merkel të enjten tha se shifrat e fundit të rasteve të vdekjes janë “të tmerrshme”.
“Këto nuk janë vetëm numra, ata janë njerëz që humbën jetën. Ka familje që i vajtojnë”, tha ajo.
Sipas saj, numri i rasteve të përditshme të koronavirusit ka rënë ndërsa më i vogël është edhe numri i personave në kujdesin intensiv se gjatë festave të Krishtlindjes.
Ndërkohë, Evropa, Britania e Madhe, Italia, Franca dhe Spanja, kanë më pak banorë edhe më tej kanë numër më të madh të rasteve të vdekjes.
Shefi i institutit “Robert Koch” Lothar Wieler këtë javë tha se shpjegimi për vdekjet e larta është “relativisht i thjeshtë, por relativisht dëshpërues”.
“Rritja thjeshtë lidhet me faktin se numri i rasteve të koronavirusit është rritur kaq shumë”, tha ai.
Shifrat ditore të të infektuarve arritën maksimumin në dhjetor. Sot Instituti “Roberth Koch” njoftoi 17.862 raste të reja, në krahasim me 22.368 para shtatë ditëve ndërsa numri i përgjithshëm i të shëruarve në Gjermani është më shumë se 2.1 milionë.
Të ngjashme
Të tjera nga Lajme
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane