Gjermani: Mjekët e 6 landeve, në protestë

Mjekët e spitaleve në gjashtë nga 16 landet e Gjermanisë filluan sot një grevë njëditore, mes një vale mosmarrëveshjesh për pagesat e personelit shëndetësor.

Disa mijëra pjesëmarrës priten të marrin pjesë në protestë, në kryeqytetin bavarez Mynih, sipas shoqatës së mjekëve gjermanë “Marburger Bund”, e cila kërkon një rritje të pagave prej 2,5% për 55 000 mjekë që punojnë në spitalet komunale.

“Anëtarët tanë nuk ndihen të vlerësuar nga punëdhënësit deri më tani. Kemi përshtypjen se punëdhënësit duan të vonojnë negociatat kolektive”, tha presidenti i “Marburger Bund”, Andreas Botzlar, transmeton dpa, përcjell albinfo.ch.

Mjekët gjithashtu planifikuan një protestë në shtetet e Baden-Württemberg, Hesse, North Rhine Westphalia, Rhineland-Pfalz dhe Saarland.

Sipas sindikatës, trajtimi urgjent i pacientëve është i garantuar në klinikat e prekura.

Greva këtë vit preku një sërë sektorësh në Gjermani, por shkaktoi kaosin më të madh në transport, duke paralizuar lidhjet ajrore dhe hekurudhore, si dhe shërbimet komunale të autobusëve.

---