Integrimi
Gjermani, rob lufte në Shqipëri: 6 vite mysafir te shqiptarët
Gjashtë vjet rob lufte në Shqipëri? “Jo, unë kam qenë gjashtë vjet mysafir te shqiptarët”, thoshte Herbert Daferner nga Wöschbach Neu-Pfinztal, Baden, Gjermani
Musledin Glina, Karlsruhe, Gjermani*
Nga fundi i viteve gjashtëdhjetë erdhi një zotëri i moshuar ne lokalin tim të atëhershëm “Eis-Venedig” në Mühlburg-Karlsruhe dhe më pyeti se a isha nga Shqipëria. Kur unë ia pohova, më përshëndeti miqësisht në gjuhën shqipe dhe më përqafoi.
Pastaj ai më tregoi se në vitet 1944-1950 kishte qenë rob lufte në Shqipëri dhe foli me entuziazëm për kohën që kishte kaluar atje. Kishte vetëm lëvdata për vendin dhe njerëzit.
Herberti u bë pastaj mysafir imi i rregullt dhe vinte më së shpeshti të dielave në mëngjes. Gruaja e tij në shtëpi, në Wöschbach thoshte se falë zotit burri i saj më në fund kishte takuar një shqiptar (atëbotë unë isha i vetmi shqptar në Karlsruhe dhe rrethinë) sepse ai, nga mëngjesi deri në mbrëmje fliste vetëm për Shqipërinë dhe që nga kthimi nga robëria ishte duke kërkuar një shqiptar, për ta falënderuar dhe për të mundur më në fund të fliste me dikë në gjuhën shqipe.
Pyetjes sime, përse pikërisht si rob lufte në Shqipëri qe ndjerë kaq mirë, ai iu përgjigj se, edhe pse në një vend kaq të varfër si Shqipëria, ai asnjëherë nuk kishte pasur për të ngrënë më pak se vetë shqiptarët. Dhe jo vetëm kaq, si mysafir atij i ishin dhënë gjithmonë porcionet më të mëdha të ushqimit.
Më 12 qershor 1971 në Karlsruhe po luhej ndeshja futbollistike Gjermani-Shqipëri dhe kombëtarja shqiptare ishte vendosur në “Schwarzwaldhotel”-in e atëhershëm në Karlsruhe. Herberti vinte çdo ditë dhe, kohën nga mëngjesi deri në mbrëmje e kalonte me “shqiptarët e tij”. Gjatë zhvillimit të ndeshjes ai qe ulur ne bankinat e stadiumit Wildparkstadion së bashku me trajnerin dhe lojtarët rezervë.
Djemtë e tij, Peter dhe Ernst jetojnë me familjet e tyre në Wöschbach, Neu-Pfinztal (Baden)
*Autori është një shqiptar i lindur në Leskovik në vitin 1933. Pas ikjes nga burgu enverist në fillim të viteve`50, ai ishte arratisur jashtë vendit dhe, që nga viti 1954 jeton në Gjermani, ku ka krijuar familje. Këtë rrëfim të përjetuar nga vetë ai, e ka dërguar për botim (në gjuhën gjermane) enkas për albinfo.ch.
M. Glina është dëshmitar i shpëtimit të hebrenjve në Shqipëri, pasi që në shtëpinë e tij në kohën e Luftës ë Dytë Botërore ishin strehuar disa familje hebrenje.
Të tjera nga Integrimi
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard