Lajme
Gjermania e Franca, sërish me apel për shtetasit e vet: Urgjentisht largohuni nga Ukraina!
Qytetarëve u është kërkuar të largohen urgjentisht nga vendi para se të jetë tepër vonë.
Teksa po rriten tensionet mes Rusisë dhe Ukrainës, Franca e Gjermania kanë dalë sërish me thirrje drejtuar shtetasve të vet, duke u kërkuar të largohen urgjentisht nga Ukraina, transmeton Albinfo.ch.
Qytetarëve gjermanë u është kërkuar të largohen urgjentisht nga vendi para se të jetë tepër vonë.
Apeli erdhi nga Ministria e Jashtme gjermane, e shqetësuar për evoluimin e situatës me “një konflikt ushtarak” te dera, që mund të shpërthejë në çdo moment dhe që, për rrjedhojë, mund të rrezikojë bashkatdhetarët e tyre. Kërkesa e parë për t’u larguar nga vendi u kishte mbërritur shtetasve gjermanë, me banim në Ukrainë, vetëm 7 ditë më parë, më 12 shkurt.
“Linja ajrore kombëtare gjermane Lufthansa ka pezulluar të gjitha fluturimet për dhe nga Kievi. “Të gjitha fluturimet nga e hëna, 21 deri të hënën 28 shkurt, për momentin janë të prekura”, shpjegohet në faqen e internetit të kompanisë, raporton Cnn.
Menjëherë pas komunikimit gjerman me bashkëqytetarët e saj, edhe Franca u rekomandoi bashkatdhetarëve të largohen nga shteti i Evropës Lindore.
Ministria e Jashtme e Parisit u ka bërë thirrje qytetarëve francezë që të largohen menjëherë nga Ukraina, veçanërisht nga rajonet e Kharkiv, Luhansk dhe Donetsk.
“Qytetarët francezë në rajonet Kharkiv, Luhansk dhe Donetsk janë të ftuar të largohen nga këto zona pa vonesë. Rekomandohet gjithashtu që të gjithë shtetasit francezë, qëndrimi i të cilëve në Ukrainë nuk ka arsye të vlefshme, të largohen nga vendi”, tha në të njëjtën kohë Ministria e Jashtme franceze, e cila gjithashtu u bëri thirrje francezëve që të shtyjnë të gjitha udhëtimet në Ukrainë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla