Kriza në Ukrainë
Gjermania e Polonia, apel drejtuar BE-së për të ndihmuar refugjatët ukrainas
Në një letër drejtuar komisionerëve evropianë, Varshava dhe Berlini paraqitën mundësinë e një pagese fikse prej 1,000 € (1,100 dollarë) për çdo refugjat të pranuar
Ministrat e Brendshëm të Gjermanisë dhe Polonisë, Nancy Faeser dhe Mariusz Kaminski, i kanë bërë thirrje Komisionit Evropian të bëjë më shumë përpjekje për të ndihmuar në shpërndarjen e refugjatëve ukrainas që ikin nga pushtimi rus dhe për të ofruar më shumë ndihmë financiare.
Në një letër drejtuar komisionerëve evropianë, Varshava dhe Berlini, paraqitën mundësinë e një pagese fikse prej 1,000 € (1,100 dollarë) për çdo refugjat të pranuar dhe gjithashtu i kërkuan ekzekutivit të BE-së të luante një rol më aktiv në shpërndarjen e refugjatëve në gjithë Bashkimin Evropian.
“Është e qartë se burimet dhe kapacitetet pritëse të dy shteteve nuk do të jenë të mjaftueshme për të përballuar fluksin në rritje të refugjatëve ukrainas”, shkruan Nancy Faeser e Gjermanisë dhe Mariusz Kaminski i Polonisë në letrën drejtuar BE-së.
“Nevojat për financim të të dy qeverive tashmë arrijnë në disa miliardë euro, kështu që nevojitet urgjentisht mbështetje shtesë dhe zgjidhje të shpejta në nivel evropian”, shtuan ata.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit