Gjermania kërkon 51 mijë specialistë të IT-së

Një vit më parë numri i specialistëve për këtë profesion ishte numëruar në 43 mijë. Ky studim është prezantuar nga shoqata digjitale Bitkom

Gjermania po e ndien mungesën e profesionistëve. Ajo është në kërkim të 51 mijë specialistëve të IT-së.  Numri i vendeve të lira për këtë profesion është rritur 20 % më shumë brenda një viti, shkruan gazeta austriake “der Standard”, njofton “albinfo.ch”.

Një vit më parë numri i specialistëve për këtë profesion ishte numëruar në 43 mijë. Ky studim është prezantuar nga shoqata digjitale Bitkom. Në studim ishin intervistuar mbi 1500 menaxherë nga  kompanitë e të gjitha brendeve industriale.

70 për qind e kompanive ka treguar se kanë mungesë të specialistëve të IT-së. Një vit më parë kjo shifër ishte vetëm 60 për qind. Vetëm në industrinë e IT-së dhe telekomunikacionit mund të gjenden 20,500 vende të lira.

Para se gjithash, shitësit  Software-ve  dhe ofertuesit e IT-së janë shumë të kërkuar me 17,400 vende të lira. 2.200 ekspertë kërkohen për kompanitë që ofrojnë pajisje të IT-së dhe teknologji  të telekomunikacionit.  900 vende të tjera të lira janë për ofruesit e shërbimeve të telekomunikacionit.

Po ashtu numër i madh kërkohen edhe për profesionistëve të cilët janë në kërkim për zhvilluesit e programeve dhe profesioneve të tjera që kanë të bëjnë më IT.