Kosova
Gjermania në prag të njohjes së patentëshoferave kosovarë
Qeveria e Gjermanisë e përkrah njohjen reciproke të patentëshoferëve midis Kosovës dhe Gjermanisë
Është bërë e ditur se ambasadori i Republikës së Kosovës në Republikën Federale të Gjermanisë, Beqë Cufaj, është ftuar më 4 dhjetor në Ministrinë e Komunikacionit dhe Çështjeve Digjitale të Qeverisë së Gjermanisë.
Thuhet se në këtë takim ambasadori Cufaj është pritur nga drejtori i kësaj ministrie, Guido Zielke, me bashkëpunëtorë.
Midis dy shteteve pikë kryesore e takimit ka qenë njohja reciproke e patentëshoferëve midis dy vendeve pas aplikimit zyrtar që Kosova ka bërë vjeshtën e vitit 2018.
Zielke ka njoftuar ambasadorin Cufaj se Qeveria e Gjermanisë e përkrah njohjen reciproke të patentëshoferëve mes Kosovës dhe Gjermanisë. Procesi në fjalë ka shënuar progres të dukshëm dhe po punohet që me hapa të shpejtë të përmbyllet procesi, i cili nga pala gjermane në nivel teknik përmbyllet nga ministria në fjalë dhe ministrat përkatës të 16 republikave gjermane në Konferencën e tyre vjetore. Kosova ka shënuar progres në këtë proces.
Po ashtu, Zielke ka njoftuar ambasadorin Cufaj që një delegacion i kësaj ministrie në muajin janar do të udhëtojë për në Kosovë për të parë edhe gjendjen në terren: situatën me qendrat testuese, prodhimin e patentëshoferëve, sidomos shqyrtimin e situatës në aspektin e sigurisë rrugore në Kosovë- pasi që procesi lidhet drejtpërdrejt, sidomos me aspektet e sigurisë, me numrin e aksidenteve në rrugët e Kosovës.
Gjithashtu, ambasadorit Cufaj i është thënë po kështu se Qeveria e Gjermanisë është plotësisht e vetëdijshme për nevojë dhe domosdshmërinë e përmbylljes së këtij procesi, prandaj del urgjenca e kësaj vizite.
Nga ana tjetër, ambasadori Cufaj ka falënderuar për përkrahjen e vazhdueshme të Qeverisë së Gjermanisë dhe ka siguruar zyrtarët gjermanë që institucionet relevante në Kosovë janë të gatshme të presin delegacionin gjerman në janar, në Kosovë, përcjell albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?