Gjermania po përgatitet për 1.5 milionë refugjatë

Qindra migrantë po vazhdojnë të udhëtojnë drejt Berlinit. Gjermania po përgatitet për afro 1.5 milionë migrantë këtë vit, që është shifër më e madhe se ato të mëparshmet.

Sipas gazetës gjermane “Bild”, autoritetet gjermane janë të shqetësuara për rrezikun e “mungesës së kushteve” dhe ato tashmë po kanë probleme me numrin e nevojshëm të kontejnerëve për akomodim dhe kapacitetet sanitare për të refugjatë.

“Bild” thotë se mbetet brengë për autoritetet në Berlin se ata të cilët sigurojnë azilin do të sjellin edhe familjet e tyre në Gjermani.

“Marrë parasysh strukturën familjare në Lindje të Mesme, kjo do të thotë se çdo person nga ai rajon të cilit i jepet azili do të sjellë mesatarisht nga katër deri në tetë anëtarë të familjes në Gjermani brenda një kohe të shkurtër”, transmeton  “Bild”, përcjell albinfo.ch.