Gjermania po shkon drejt bllokimit të fortë

Qeveria gjermane dhe 16 shtetet federale të vendit kanë rënë dakord të zgjasin një bllokim të rreptë deri më 31 janar, në një përpjekje për të vënë nën kontroll infeksionet e koronavirusit, raportoi gazeta Bild të hënën, pa dhënë një burim.

Kancelarja Angela Merkel dhe kryeministrat e shtetit kanë planifikuar të martën për të diskutuar një zgjatje të mundshme të bllokimit përtej 10 janarit. Disa, duke përfshirë kryeministrin e Bavarisë, Markus Soeder, kanë folur tashmë në favor të një zgjatjeje. Duke folur pas raportit të Bild, një burim qeveritar i tha Reuters: “Të gjithë, përveç dy shteteve federale mbështesin (një zgjatje bllokimi) deri më 31 janar.

“Sidoqoftë, vendimi zyrtar do të merret të martën”, u tha tutje.

Gjermania ishte më e suksesshme se shumë vende evropiane në mbajtjen nën kontroll të koronavirusit gjatë valës së parë në pranverë, por ka pasur një rritje të infeksioneve të reja që nga vjeshta, shkruan “Reuters”, përcjell albinfo.ch.