Gjermania, pro zgjatjes së statusit të ukrainasve

Ministrja e Brendshme gjermane, Nancy Faeser, është shprehur për zgjatjen e statusit të posaçëm mbrojtës të ukrainasve në BE.

Ajo thotë se së shpejti do të konsultohet edhe me homologët e saj nga vendet e tjera të BE-së. “Ne kemi shpëtuar shumë jetë përmes kësaj përpjekje të përbashkët dhe kemi treguar solidaritet të madh me Ukrainën”, u shpreh ajo, shkruan DW.

Presidentja e Komisionit Europian, Ursula von der Leyen, do të propozojë zgjatjen e statusit mbrojtës për refugjatët nga Ukraina.

Këto rregullore të posaçme bëjnë të mundur që në rast të një fluksi masiv, njerëzit të marrin shpejt lejen e përkohshme të qëndrimit pa burokracitë e procedurës së azilit.

Refugjatët ukrainas në Gjermani dhe në vende të tjera të BE-së mund të punësohen, janë të siguruar në sistemin shëndetësor dhe mund të dërgojnë fëmijët në shkolla, përcjell albinfo.ch.

---