Gjermania teston 500 mijë persona në javë

Shteti gjerman sërish tregohet shembull për vendet tjera evropiane dhe botërore

Numri i vdekje nga epidemia e koronavirusit të ri në Gjermani është rritur me një të tretën në 24 orët e fundit, por vendi krenohej me rritjen e kapacitet të testimeve në gjysmë milioni njerëz në javë.

Instituti shëndetësor vendas Robert Koch raportoi 49 vdekje të reja, duke e rritur totalen nga 149 në 198.

Numri total i infeksioneve u rrit me 15.7 përqind, njëlloj si dje, nga 31,554 në 36,508, transmeton TCH.

Por përqindja e vdekshmërisë vijon të mbetet në 0.7 për qind që është shumë më e ulët se fqinjët e saj evropianë, përcjell albinfo.ch.

Por ministri i shëndetësisë së vendit tha se kjo mund të jetë qetësia para stuhisë dhe se vendi po përgatitet për valë të reja infektimesh.

“Masa e madhe e testimeve na përgatit më herët sesa ndoshta do të bënin vendet e tjera”, tha ministri Jens Spahn, përcjell albinfo.ch.

“Duhet ta përdorim sa më mirë këtë kohë, e cila gjithsesi mund të jetë njëfarë qetësie para stuhisë”, shtoi ai.

Krei i institutit të virologjisë në spitalin universitar Charite në Berlin, Christian Drosten, tha se numri i vogël i vdekjeve në Gjermani mund të shpjegohet me numrin e madh të laboratoreve diagnostikues.

---