Kosova
Gjermania: Liberalizimi nuk është dhuratë, Kosova i ka përmbushur kushtet
Michal Roth, ministri gjerman i Shtetit për Europën, bën thirrje për më shumë përfshirje të Bashkimit Europian në rajon.
Ai në një intervistë për Spiegel, ka folur për atë se a duhet të ketë rivendosje të kufijve në Ballkan dhe për çështjen e vizave të Kosovës.
Më poshtë publikojmë pjesë të intervistës:
Spiegel: Pas zgjedhjeve evropiane do të vendoset për hapjen e negociatave për anëtarësim për Shqipërinë dhe Maqedoninë e Veriut. Disa hezitojnë, siç është presidenti francez, Emmanuel Macron.
Roth: Ne kemi bërë zotime, tani duhet të dorëzojmë. Maqedoni e Veriut dhe Greqia kanë bërë histori me zgjidhjen e mosmarrëveshjes për emrin. Cili politikan në një shtet të BE-së do të guxonte të iniciojë një proces pajtimi kundër rezistencës së qartë sociale, që ishte përçmues për 28 vjet? Me Kosovën ne e shohim/përjetojmë se çfarë do të thotë kur një vend ndalohet.
Spiegel: A jeni në favor të liberalizimit të vizave për Kosovën?
Roth: Ne nuk e promovojmë atë si një dhuratë bujare, por sepse Kosova i ka përmbushur kushtet e BE-së. BE nuk duhet të japë përshtypjen se ne s’po lëshojmë pe gjithnjë dhe përsëri. Në qoftë se ne lëmë një vakum në Ballkanin Perëndimor, forcimi i shtetit të së drejtës dhe demokracitë e tyre do të ndahen me vendet si: Kina, Rusia, Turqia, shkruan Top Channel.
Spiegel: Qeveritë e Serbisë dhe Kosovës po shqyrtojnë rivendosjen e kufirit; Komisioni i BE-së ka qenë i hapur për të. Çfarë mendoni ju?
Roth: Jo këtë. Ky propozim nuk qetëson, provokon ndarje të reja. Nuk duhet të lënë asnjë dyshim se e ardhmja e shoqërive në Ballkanin Perëndimor është shumetnike dhe shumëfetare. Nuk mund të ketë demarkime të reja përgjatë etnive.
Të ngjashme
Të tjera nga Kosova
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe