Gjon Muharremaj ishte i pari me vota të jurisë

Një sukses i madh për artistin shqiptar, i cili jeton në Zvicër

Italia ka fituar Eurovision 2021, kurse Zvicra ishte shumë afër.

Në fakt në bazë të votave të jurisë, Zvicra ishte në vendin e parë me 267 pikë, kurse Franca ishte e dyta me 248.

Gjon Muharremaj ishte afër të hynte në histori. Megjithatë, një sukses i madh për artistin shqiptar, që ka arritur suksesin më të madh nga këngëtarët shqiptarë në Eurovision, duke kaluar edhe Rona Nishliun që ishte renditur e pesta, duke përfaqësuar Shqipërinë, shkruan albinfo.ch.

Gjoni ishte i lumtur që mori votat e jurisë, një vlerësim i madh profesional për këngëtarin shqiptar, i cili në Eurovision u paraqit me këngën Tout L’Univers.

---