“Gjuha gjermane në lëvizje” në Kosovë

Ambasada Gjermane në Prishtinë në bashkëpunim me Sprachlernzentrum Pristina (partner zyrtar i Institutit Gothe), Fondacionin Konrad Adenauer, Fondacionin Friedrich Ebert dhe me Qendrën informuese për migrim, arsimim dhe karrierë DIMAK do të organizojë nga 10 deri 12 maj 2016 projektin “Gjuha gjermane në lëvizje”.

Në kuadër të projektit, përfaqësuesit e Ambasadës Gjermane dhe përfaqësuesit e organizatave tjera do të vizitojnë qytete dhe komuna në Kosovë, me qëllim që kosovarëve, me theks të veçantë të rinjve, nxënësve dhe studentëve t’ju ofrohen njohuri rreth kulturës dhe gjuhës gjermane. Për këtë shkak do të hapen pika informacione në vende pubike, në të cilat do të ofrohet një program i larmishëm.

“Gjuha gjermane në lëvizje” do të jetë mysafir në Graçanicë, Gjilan, Prizren, Pejë. Mitrovicë e Skenderaj.

Pjesë e programit do të jenë kurse të shkurtëra të gjuhës gjermane, të cilat do të organizohen nga Sprachlernzentrum Pristina. Gjithashtu kalimtarët, ndër ta nxënësit dhe studentët, do të kenë mundësi të bien në kontakt me përfaqësuesit e Sprachlernzentrum Pristina (partner zyrtar i Institutit Gothe), Fondacionin Konrad Adenauer, Fondacionin Friedrich Ebert dhe DIMAK.

Krahas informatave të përgjithshme rreth kulturës dhe gjuhës gjermane do të kenë mundësi, sidomos nxënësit dhe studentët, të informohen për mundësitë e studimeve dhe bursave për studime në Gjermani. Në fund, të gjithë pjesëmarrësit janë të ftuar që të marrin pjesë në një kuiz, fituesit e të cilit do të shpërblehen.

Albinfo.ch