Kosova
Gjuriq: Prishtina vazhdon t’i parandalojë mallrat nga Serbia
Situata me furnizimin e serbëve në veri të Kosovës me produktet ushqimore bazë është ende shumë e vështirë, pasi Prishtina vazhdon të parandalojë dorëzimin e mallrave serbe në të gjitha mënyrat, tha sot i ashtuquajturi drejtori i Zyrës për Kosovë Marko Gjuriq, përcjell albinfo.ch.
“Më së shumti do të doja të them se furnizimi i qytetarëve në veri të Kosovës është normalizuar, por kam frikë se për shkak të këmbënguljes kokëfortë të Prishtinës për taksat e mallrave nga Serbia, situata nuk do të jetë normale edhe për një kohë. Prishtina vazhdon ta vështirësojë atë, por ne jemi duke ia arritur disi“, tha Gjuriq.
Biznesmenët nga veriu i Kosovës, të cilët furnizohen me mallra nga Serbia, javën e kaluar, në marrëveshje me pronarët e dyqaneve, organizuan një protestë paralajmërimi dyditore.
Prishtina zyrtare akuzoi Beogradin se dëshiron të krijojë krizë humanitare duke mbyllur dyqanet. Ndërkohë, produktet ushqimore serbe përsëri u shfaqën në dyqanet në veri të Kosovës, dhe presidenti Aleksandar Vuçiq ka shprehur pritje se Serbia në ditët e ardhshme do të përmirësojë situatën me furnizime.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga