Lajme
Gjykata Kantonale i refuzon ankesën: 19 vjet burg për shqiptarin nga RMV
35-vjeçari është akuzuar për vrasjen e paskrupullt të partnerit të ish-të dashurës së tij
Gjykata Kantonale e St.Gallenit ka vendosur sot: 35-vjeçari, shtetas i Maqedonisë së Veriut, i cili ka vrarë një person në vitin 2015, duhet të vuajë burgun për 19 vjet.
Kjo masë dënimi i ishte shqiptuar atij edhe më parë, nga Gjykata e Qarkut, shkruan sda.ch.
Bashkëpunëtori i tij do të mbajë katër vite burg. Ky vendim është marrë sot pasi dy të pandehurit e kishin apeluar vendimin.
35-vjeçari është akuzuar për vrasjen e partnerit të ish-të dashurës së tij, trasmenton albinfo.ch. Kjo kishte ndodhur në Ganterschwil në vitin 2015, kur ai kishte goditur atë me thikë dhe i kishte shkaktuar atij plagë fatale.
Gjykata e Qarkut në Toggenburg e kishte dënuar atë me burg efektiv (të pakushtëzuar) prej 19 vjetësh, në mars të vitit 2020. Një i bashkëakuzuar u dënua me katër vjet burg.
Të dy të akuzuarit dhe prokurori publik kanë apeluar rastin në atë kohë.
Zyra e prokurorit publik kishte kërkuar dënime më të larta me burg, ndërsa dy të dënuarit kishin kërkuar të liroheshin, transmeton albinfo.ch. Gjykata Kantonale e St.Gallenit tani ka konfirmuar vendimet e Gjykatës së Qarkut.
Është vërtetuar se fajtori kryesor ka vrarë në mënyrë të paskrupullt viktimën e tij dhe kështu ka kryer veprën penale të vrasjes së rëndë.
Sipas bindjes së gjykatës, i bashkëakuzuari, një zviceran 55-vjeçar, i ka dhënë atij ndihmë për këtë vrasje, përcjell albinfo.ch. 55-vjeçari i ka dhënë 35-vjeçarit armën dhe e ka çuar në vendin e krimit.
Krahas dënimeve të përmendur, dy të akuzuarit duhet të paguajnë koston procedurale prej mbi 250.000 franga.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)