Lajme
Grenell u tërhoq nga posti i ambasadorit të SHBA-së në Gjermani
Sipas infomacioneve të fundit, thuhet se pas dy vjetësh në detyrë Richard Grenell u tërhoq nga posti i ambasadorit të SHBA-së në Gjermani. Për një hap të tillë kishte kohë që spekulohej, përcjell albinfo.ch.
Duhet theksuar se postin e ambsadorit të SHBA-së në Gjermani përkohësisht e ka marrë tani zëvendësambasadorja Robin Quinville, njoftoi një zëdhënës i Ambasadës së SHBA-së në Berlin. Tërheqjen e tij nga misioni diplomatik Grenell e deklaroi zyrtarisht më 01.06. 2020, gjatë një vizite te presidenti Donald Trump në Shtëpinë e Bardhë. Javën e kaluar diplomati 53-vjeçar u tërhoq nga detyra si drejtor ekzekutiv për koordinimin e shërbimeve sekrete të SHBA-së, pasi senati konfirmoi në këtë post John Ratcliffe, shkruan DW.
Është e paqartë se me çfarë do të merret tani Grenell. Sikurse bëhet fjalë, ai me gjasë mund të angazhohet për fushatën elektorale të presidentit Trump. Grenell konsiderohet si jashtëzakonisht besnik i presidentit Trump dhe krenohet vazhdimisht për lidhjen e mirë që ka me Shtëpinë e Bardhë.
Aspak miq në Berlinin politik
Si ambasador në Berlin, Grenell e konsideronte detyrën e tij që të përfaqësojë në mënyrë ofensive politikën e Trumpit në Europë – duke e bërë këtë madje më shumë në mënyrë jokonvencionale dhe jodiplomatike. Me mënyrën e tij aspak diplomatike, diplomati nga Michigani nuk bëri aspak miq në Berlinin politik.
Po ashtum kontakti i tij më i mirë në radhët e qeverisë gjermane ka qenë me ministrin e Shëndetësisë, kristian-demokratin Jens Spahn. Në Ministrinë e Jashtme si dhe në zyrën e kancelares nuk pritej mirë mënyra si ai e drejtonte postin e ambasadorit të SHBA-së. Madje nga radhët e opozitës ka pasur herë herë kërkesa për ta shpallur atë si “person të padëshiruar” në Gjermani.
Duhet theksuar se ambasadori amerikan, Grenell, kërcënoi hapur firmat gjermane me sanksione, nëse vazhdojnë të bashkëpunojnë me Iranin. Buxhetin ushtarak gjerman Grenell e vlerësonte si shumë të vogël dhe kërcënonte me largimin e ushtarëve amerikanë nga Republika Federale. Po ashtu ai shprehej hapur kundër gazsjellësit të Balltikut Nord Stream 2.
Grenell është i ngarkuar nga administrata e presidentit Trump edhe si ndërmjetësues në dialogun mes Prishtinës dhe Beogradit për normalizimin e marrëdhënieve dhe arritjen e një marrëveshjeje.
Të ngjashme
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane