Lajme
Greta Thunberg fiton çmim ndërkombëtar për mbrojtjen e mjedisit
Disa ditë pas fjalimit të fuqishëm në samitin e Kombeve të Bashkuara për klimën, aktivistja suedeze, Greta Thunberg, është zgjedhur në mesin e katër personave që kanë fituar një çmim ndërkombëtar, i cilësuar si “Nobel alternativ”
Nxënësja nga Suedia, e cila i akuzoi emocionalisht liderët botërorë për tradhti ndaj gjeneratës së saj, u vlerësua larg nga juria e çmimit “Rights Livelihood”, për frymëzimin dhe ngritjen e kërkesave politike për masa urgjente klimatike, mbështetur në të vërtetat shkencore.
Në mesin e fituesve të këtij çmimi, krahas aktivistet suedeze, ishin edhe Guo Jianmei, avokate kineze për të drejtat e grave, dhe Aminatoi Haidar nga Saharaja Perëndimore, e cila po lufton për pavarësinë e vendit të saj.
Çmimi “Right Livelihood” jepet prej vitit 1980 pasi fondacioni i Nobelit e kishte refuzuar propozimin për dy çmime të reja, për punën mjedisore dhe punën në vendet në zhvillim. Në të kaluarën, këtë çmim e kanë fituar edhe Edward Snowden, Wangari Maathai dhe Alan Rusbridger.
“Jam thellësisht mirënjohëse që jam njëra nga fitueset e këtij çmimi, që është nder i madh. Sigurisht, unë nuk jam fituesja. Unë jam pjesë e një lëvizjeje globale të nxënësve, të rinjve dhe personave të rriturve, të cilët kanë vendosur të veprojnë në mbrojtje të planetit tonë. Këtë çmim e ndaj me ta”, tha Greta Thunberg, shkruajnë mediat kosovare, përcjell albinfo.ch.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane