Gushti 2019, muaji i dytë më i nxehti gjatë 40 vjetëve

Gushti i këtij viti në Evropë ishte muaji i dytë më i nxehti gjatë 40 vjetëve të fundit, pas atij të 2010-s, me 0,53 gradë celsius më të lartë se mesatarja e periudhës 1981-2010, sipas ”Kopernikut”, programi satelitor europian i vëzhgimit të Tokës.

Ai shtoi se vera që po mbyllet është e katërta më e nxehtë në Evropë në 40 vjetët e fundit.

Temperatura mesatare nga qershori deri në gusht ishte në të vërtetë 1,1 gradë celsius më e lartë se mesatarja, përcjell albinfo.ch.

“Këtë vit vera ka regjistruar 1,1 gradë celsius më shumë se mesatarja”, shpjegon Bernardo Gozzini, meteorolog i konsorciumit ”Lamma-Cnr”.

Sipas ekspertit, duket se është urgjente përmbushja e Marrëveshjes së Parisit për Klimën, ku të respektohet kufiri maksimal i ngrohjes globale prej 1,5 gradë celsius.