Kosova
Hapen dokumentet: Cili nga ish-krerët e UÇK-së mori më shumë nga paratë e shtetit për avokat
1.5 milionë euro për mbrojtjen e të akuzuarve në Hagë
Të akuzuarit në Hagë: Hashim Thaçi, Kadri Veseli, Jakup Krasniqi, Rexhep Selimi, Nasim Haradinaj, Hysni Gucati, Salih Mustafa
Mbi 1.5 milionë euro janë harxhuar deri më tani nga buxheti i Kosovës për t’i mbrojtur ish-krerët e Ushtrisë Çlirimtare në Hagë.
Më së shumti mjete financiare janë shpenzuar për ta paguar avokatin mbrojtës e kryetarit të Organizatës së Veteranëve të UÇK-së, Hysni Gucati, Jonathan Rees.
Ndërkaq, më së paku për mbrojte nga të akuzuarit deri më tani ka shpenzuar ish-kryetari i Kuvendit të Kosovës, Kadri Veseli,.përcjell Albinfo.ch.
315 mijë e 150 euro janë harxhuar nga kuleta e shtetit për avokatin e Gucatit, Rees të cilit muajin parë të këtij viti i është aprovuar një fletëpagesë në vlerë prej 31 mijë euro.
Kështu bëhet e ditur nga Ministria e Drejtësisë, një javë pas vendimit për deklasifikimin e pagesave me anë të një përgjigje me shkrim për Albanian Post.
Avokati mbrojtës i Rexhep Selimit, David Young, është paguar nga shteti me 287 mijë euro.
Për mbrojtën e ish-pjesëtarit të UÇK-së, Sali Mustafës, avokati holandez Von Bone ka marrë mbi 271 mijë euro.
Kurse, sipas kësaj tabelë të MD-së, për avokatin e ish-Presidentit të Kosovës, Hashim Thaçi, Pierre R. Prosper, deri më tani është paguar mbi 251 mijë euro.
E shuma që për gjysmë viti është ndarë për avokatin e Jakup Krasniqit është për mbi 242 mijë euro.
Prej 1 milion e gjysmë euro të aprovuara, që nga nëntori i vitit të kaluar janë ekzekutuar vetëm rreth 400 mijë euro për mbrojtjen e 7 të akuzuarve, ndërsa pjesa tjetër është ende obligim, porse e aprovuar.
Në anën tjetër një kundërshtim të madh idesë së publikimit të shpenzimeve, po ia bënë Partia Demokratike e Kosovës.
Sipas PDK-së, kryeministri Kurti nëpërmjet ministres së Drejtësisë Haxhiu “po e sulmon procesin e mbrojtjes së të akuzuarve që gjenden në Hagë”.
Ish zëdhënësi i PDK-së, Avni Bytyqi, në reagim potencon se gjithnjë ka menduar se “ushtarët e lirisë duhet të kenë brengë raportin famëkeq të Dick Martit dhe gënjeshtrat e Serbisë, dhe se asnjëherë nuk ka besuar që ish ushtarët ë UÇK-së të sulmohen në këtë formë nga udhëheqësit më të lartë shtetërorë”.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën