Lajme
Hapet edhe një shkollë shqipe në Zvicër
Nga një vendbanim në tjetrin, nga njëri skaj i Zvicrës në tjetrin, “Shkolla Shqipe” në Zvicër vazhdon me hapjen e pikave tjera shkollore.
Aty ku punohet me përkushtim, sukseset nuk mungojnë. Kështu thonë përfaqësues të shkollës shqipe në Zvicër.
Pas dhjetëra pikave shkollore në mbarë Zvicrën, më 25 shkurt 2022 u hap edhe pika shkollore e radhës, tani në Erlen të Kantonit Thurgau, njofton Albinfo.ch.
“Ishte kënaqësi e veçantë t`i shohësh 22 nxënës, të cilët u regjistruan qysh në ditën e parë. Edhe 4 nxënës të tjerë për shkaqe subjektive nuk arritën të vijnë në orët e para të gjuhës shqipe, ata do t`iu bashkëngjiten në javën në vazhdim.
Pra, thënë shkurt, qindra e qindra nxënësve të shkollave shqipe iu bashkëngjiten edhe njëzet e gjashtë nxënës të rinj. Dhe, në javët në vazhdim do të lexojmë dhe do të shohim edhe më shumë nxënës, të cilët do të ulen në bankat shkollore për të mësuar shqip, edhe në pikat e tjera shkollore”, tha koordinatori i “Shkollës Shqipe” në Zvicër, Vaxhid Sejdiu, i cili me punën dhe angazhimin e tij së bashku me prindërit dhe mësuesit e tjerë është bërë shembulli më i mirë se si punohet për shkollën shqipe, përcjell Albinfo.ch.
“Pas një pune të vazhdueshme gjatë këtyre dy muajve të fundit me prindërit në këtë rrethinë, arritëm të hapim pikën shkollore në Erlen të Kantonit të Thurgau-t. Pothuajse çdo javë hapim nga një pikë shkollore. “Shkolla shqipe” në Zvicër tani është një realitet i bukur në mërgatën shqiptare në Zvicër dhe më gjerë. I madh është numri i prindërve dhe veprimtarëve, të cilët paraqiten dhe kërkojnë njoftimet për shkollat e radhës. A ka gëzim më të madh se të hapësh një pikë shkollore në gjuhën amtare”, u shpreh Sejdiu.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë