Kosova
Haradinaj: Raporti i PISA-s na ka turpëruar si Kosovë
“Kemi Testin PISA, i cili është nxjerr shumë i dobët, shumë keq dhe që na turpëron si Kosovë. Më së miri për ne është t’i shohim shkaqet pse është kështu”, theksoi kryeministri Ramush Haradinaj
Kryeministri i Kosovës, Ramush Haradinaj e ka pranuar se raporti i fundit nga PISA-s për arsim, e ka turpëruar Kosovën në aspektin e mësimit dhe shkencës. Këto komente kryeministri Haradinaj i bëri në Konferencën Ndërkombëtare për PISA 2018 “Të veprojmë së bashku për arsim më të mirë”, të organizuar nga Ministria e Arsimit, Shkencës dhe Teknologjisë (MASHT) në bashkëpunim me Deutsche Gesellschaft für Internationale Zusammenarbeit (GIZ) GmbH .
“Kemi Testin PISA, i cili është nxjerr shumë i dobët, shumë keq dhe që na turpëron si Kosovë. Më së miri për ne është t’i shohim shkaqet pse është kështu”, theksoi kryeministri, duke shprehur gatishmërinë për kontributin e tij dhe të Qeverisë për të ndryshuar këtë gjendje.
Duke cilësuar programet parashkollore si jo atraktive, kryeministri Haradinaj tha se ato nuk përputhen me parametrat e nevojshëm për më tutje.
Kryeministri kosovar tha se moskoordinimi në mes të Ministrisë së Arsimit dhe të Komunave, shpie deri te një implementim jofunksional, duke shprehur bindjen se edhe plan- programet shkollore për nivelin fillor dhe të mesëm, janë ende eksperimentale, dhe se shkollat tona janë punuar vetëm si objekte dhe jo si qëllim edukimi, duke mos dhënë porosinë si institucion arsimor.
Po ashtu, kryeministri Haradinaj shprehu shqetësimin për humbjen e madhe të orëve mësimore, që ndikojnë në mungesën e njohurive tek nxënësit, duke thënë se edhe vlerësimi i notave dhe kriteret e përdorura nuk mjaftojnë për epilog.
“Është një moment i mirë, që t’i tregojmë vetes që s’jemi mirë, t’i identifikojmë problemet, problemi i politizimit të shkollave, që është një sëmundje e rëndë që e ka kap arsimin”, theksoi kryeministri Haradinaj.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim